_هو انا لو اتجوزت وخلفت اتنين

_هو انا لو اتجوزت وخلفت اتنين وانتي اتجوزتي وخلفتي اتنين هيكونوا كام 
_4 
_لا غلط هيكون 2 ركزي معايا كده 
_مسا مسا على احلى مديره في الشركه 
سبت الورق من ايدي ونفخت بضيق _ايه دخلت السرسجه دي يا يونس احنا في شركة محترمه 
بصلي وضحك _ يعني انا غلطان اني بسيطك في الشركه 

_بسيطك ! انا غلطانه ها قولي عايز ايه 
_عايز اشرب شاي 
_يا يونس متبقاش رخم جاي ليه 
_ما قولتلك عايز اشرب شاي ولا انتي مديرة بخيله
رديت عليه باستنكار_انا مديره بخيله يا يونس 
_لا انتي مديره قمر 
برقت پصدمه _ايه 
_بقولك هتجيبي الشاي ولا امشي 
بصتله شويه وانا بحاول اتجاهل كلامه بحس دايما كلامه غريب بيلمح لحاجه انا مش فاهماها ومش عارفه هي ايه او عارفه بس ببقى نفسي اوقات اسمعها منه !
اتنهدت ومسكت الموبيل وطلبت اتنين شاي وبصتله 
_ها جاي ليه 
_لقيت نفسي زهقان شويه قولت اجي اتكلم معاكي 
_هو فيه حاجه حصلت يا يونس 
اتنهد _ اهه فيه حاجات كتير حصلت ومش مريحاني 
_فيه ايه حصل حاجه 
اتكلم بضيق بيحاول يخفيه _ فيه قضيه مرفوعه ضد كل ممتلكات بابا اللي هما الشركات و المصانع بأنهم بيتاجروا في ادويه متهربه
شهقت پصدمه _ايه ازاي يعني ومن مين 
_هيكون مين يعني هو فيه حد غيره هيعمل العملة دي من ساعة ما طلع انه ملهوش اي حاجه في الشركات والمصانع !
اتكلمت بتعجب ودهشه _قصدك عمك 
اتكلم بغيظ وضيق _هو مفيش غيره وانا متأكد 
_طيب وايه اللي مأكدلك كده 
_محدش ليه مصلحه غيره لما يلاقي المصانع والشركات قفلت ناره هتبرد 
_طيب وانت عملت ايه 
_اتكلمت مع محامين العيله وهما بيحاولوا يتصرفوا انا حاسس اني بنهار يا سجى حاسس اني حصوني پتنهار مش عارف اركز واستوعب توصل بيه البجاحه انه يعمل كده 
كان بيتكلم بحزن وكان صعبان عليا اوي بصتله وحاولت اخفف عنه 
_خلاص متزعلش يا يونس إن شاءالله المشكله دي هتتحل وشركات ومصانع باباك هتفضل زي ما هي متخفش
_ياريت ياريت يا سجى يكون بجد ومفيش حاجه تحصلها 
ابتسمت بهدوء _إن شاءالله يلا اشرب الشاي بقى 
كان بيشرب الشاي وملامحه فيها حزن هو من حقه بصراحه انا مش عارفه عمه هيستفاد ايه من كل ده ...يونس شخص كويس وطيب عمره ما اذى حد كنت اعرفه من ايام الجامعه واتخرجنا مع بعض هو مسك شركات باباه بعد ۏفاته و انا مسكت شركة بابا كنوع من المساعده ل بابا بعد تخرجي اكتر شخص اتعاملت معاه نيته صفيه ومش بيكره حد باباه كان مأسس شركاته و المصانع بتاعته و عمه كان بيساعده بعد ۏفاة باباه وعمه مقتنع انه مأسس مع بابا كل حاجه وهو شريك معاه ولما يونس رفض وقال ده حقه هو واخته وملهوش حاجه بيحاول بكل الطرق يهد كل حاجه ليهم في الحياه بس فعلا

فيه بشړ بتحب الاڈيه لغيرها كده فيه ناس بتحب ټأذي اكتر حد قريب منها بكل الصور المتوحشه دي طيب هيستفاد ايه من أذية غيره هيقابل ربنا ازاي بعد كل الأڈى ده 
كنت قاعده في اوضتي بخلص ورق رغم كل ده انا لسه زعلانه ومتأثره على يونس و تسنيم أخته سبت الورق وقمت عملت شاي وقعدت افكر شويه لقيت الموبيل بيرن رديت وكان يونس 
_ازيك يا يونس عامل ايه 
_الحمدلله يا سجى انتي عامله ايه 
_الحمدلله في نعمه انت فين كده 
_في البيت بخلص ورق تبع الشغل وانتي 
_نفس النظام اصلا في صفقه في الشركه عايزه اخلصها عشان المدير تبع الشركه التانيه رخم ولزج
ضحك _ما انا قولتلك من الاول البنات ملهاش في شغل المديرين