زغريط

ايده علي ورأسه وسؤال جه في دماغي يا تري مين اللي عايز يتجوزها....وهي فعلا بتحبه هو مش عصام.. 
اووف وانت مالك يا عصام هو انت خلفتها ونستها....اما اقوم اكلم لميس 
...........
روحت تاني يوم الشغل وعقلي واقف عمتي قالت لبابا عن زميلي اللي عايز يتجوزني واللي هو اصلا مش موجود ومش عارفة اجيبه من فين !!!!
قعدت علي مكتبي في الاستقبال وبدأت شغل 
طب صبحي حتي يا رورو 
قالتها صاحبتي مريم اللي شغالة معايا في الاستقبال فقولت بتعب
مريم وحياة عيالك انا مش ناقصة 
مالك يا بت حصل ايه....هو عصام لسه بيتقل
لا وحياتك هيخطب 
لطمت مريم وقالت
يالهووي اخص عليه الخاېن هو هيلاقي احسن منك فين يعني الاعمي ده...متزعليش يا بت انا بكرة هجوزك سيد سيده ...الا قوليلي ناوي يخطب مين عرة الرجالة
لميس 
لميس مين 
فجأة شهقت وقالت
اوعي تقولي..
قاطعتها وقلت
هي يا مريم لميس صاحبتي هتتجوز اللي انا بحبه...شفتي ۏجع اكتر من كده...هي عارفة اني بمت فيه وراحتله...والبجحة تقولي انه مستحيل يبصلي واني مفروض افرحلها 
دي طلعت سهونة اوووي
وفيه مصېبة اكبر 
يا ساتر ايه تاني 
وحكيتلها عن كل حاجة...
بعد شوية حطت ايديها علي رأسها وقالت
هتتصرفي ازاي في المصېبة دي...وهتجيبي العريس ده من فين 
معرفش يا مريم حاسه الدنيا ضيقة بيا خالص...انا عشان احفظ كرامتي كدبت كدبه مش قدها وهتفضح
ما عاش ولا كان اللي يفضحك يا وحش انا هتصرف 
ازاي بقا...
هقولك !
........
بعد ما خلصنا ساعات الشغل مريم اخدتني علي الكافية وجابت خطيبها حسام معانا 
يا روما يا حبيبتي. بقالنا ساعة هنا وانتي وصاحبتك بتقولوا كلام غير مترابط وانا مش فاهم اي حاجة...معلش اشرحولي من الاول ايه المطلوب مني...
ومسك كوباية المية عشان يشرب 
فاتكلمت بسرعة وتوتر وقولت
تتجوزني يا استاذ حسام.
وفجأة بخ المية من بوقه وبصلنا پصدمة !!!
ضحك حسام وقال
اه عارف الموضوع ده هتجوز مريم واخد صاحبتها عليها هدية !او مريم بتحبك لدرجة انها عايزاكي تبقي ضرتها 
يا حسام...
قالت مريم فزعق حسام وقال
انتو مجانين صح هو انا قادر اتجوز واحدة لما اتجوز اتنين....مريم انتي طالق! 
بعدين قام...مسكت مريم ايده وقالت
بتقول ايه يا مچنون....هو انت اتجوزتني عشان تطلقني...اقعد بس وهفهمك.
قعد حسام وهو بيبصلنا بقرف وقال
انجزوا عشان اروح لامي تشوفلي عروسة تاني بدل المعتوهة اللي اتدبست فيها...
مريم مسكت كوباية العصير وكانت هترميها في وشه بس انا مسكت ايديها وانا متوترة وبصيت لحسام وقولت
استاذ حسام انت مش هتتجوزني بالمعني الحرفي...انت بس هتيجي تتقدم 
قصدك اتدبس
اسمعني كويس لو سمحت 
حاضر 
اخدت نفس طويل وكملت
انت هتيجي تتقدم عادي وبعدين انا هقول مرتحتش وهرفضك 
وليه الفرهدة دي 
استاذ حسام انا بجد واقعة في مشكلة كبيرة وانت الحل الوحيد...
اتكلمت مريم وقالت
وافق يا بيبي بليز البت واقعة في مشكلة فك كربتها
طيب اعرف المشكلة الاول عشان اساعد 
غمضت عيني بتعب وفتحتها تاني وقولت
هقولك....
عصام ممكن نأجل موضوع الخطوبة شوية...يعني بلاش تتقدم دلوقتي وانا مش هقول لبابا...
قالتها لميس وهي متوترة...بس كان في مكان تاني....كان سرحان ومش مركز معاها...
 روحت فين 
فيه ايه يا رحاب
رحاب!!!
انا قولت رحاب!
ايوة يا عصام قولت رحاب...
معلش يا لميس عقلي مشتت شوية...اكيد مش قصدي حاجة...كنتي بتقولي ايه 
بصتله ببرود وقولت
بقول مفيش داعي تتقدم دلوقتي انا مش جاهزة 
ليه إن شاء الله 
يعني. فكرت انك تكون نفسك اكتر عشان ابويا يوافق علطول انت عارف ان اللي اتقدمولي قبل كده ورفضتهم ناس مرتاحين ورغم كده رفضت عشانك...فأنت عشاني كون نفسك اكتر عشان بابا ميرفضكش 
ابتسم ابتسامة صفرا وقال
حقك طبعا يا لميس 
وبعدين مشي...
......
بعد يومين...
كانت عمة رحاب لابسة وخارجة...شافها عصام وقال
رايحة فين يا امي 
رحاب جايلها عريس النهاردة رايحة أقف معاهم 
ايه عريس...عريس ازاي !هي كانت بتتكلم بجد 
اومال بتهزر يعني طبعا بتتكلم جد...عن اذنك بقا 
مسك دراعها وقال
استني يا ست الحبايب انا لابس وجاي أقف جمب بنت خالي 
.......
اټصدمت لما لقيت عصام جه مع عمتي...بصيت لمريم بإرتباك...ميلت عليا وقالت
بيغير علي فكرة 
بطلي هبل هو مبيحبنيش اصلا 
هنشوف.....
دخلت انا ومريم ووقفنا ورا الستارة لما جه حسام..اتفقنا انه يبوظ الموضوع من اوله...كنت بدعي من ربنا ان الموضوع يتم....بس لاحظت ان عصام بيبصله پغضب انا مش فهماه...