رواية كاملة رائعة جدا

قالك ان احنا مش هنسافر.. بس لازم نظبط شوية إجراءات عشان نضمن الأمان هناك..
ارتفعت أنفاس فارس و هو يحاول أن يهدئ حتي يفكر بعقلانية ليرتفع صوت هاتفه برسالة..
فتحها و قد كان محتواها عبارة عن فيديو يتضمن ليلي و هي جالسة علي مقعد و تبكي بشكل يقطع نياط القلب و هي تتحدث قائلة
الحقني يا فارس الحقني ھيموتوني المخدر ليه أعراض جانبية و ممكن اټشل.. و هما مش هيدوني المصل غير لو جيت.. اوعي تتخلي عني يا فارس!!

ثم فجأة ظهر حسام و هو يضحك تلك الضحكة الچنونية و يقول
مفاجأة صح يا دكتور.. متقلقش مراتك في آمان بس لو في خلال أسبوع مبقتش في ألمانيا ابقي ادعيلها بالرحمة!
انتهي الفيديو علي ذلك ليلقي فارس الهاتف ارضا و هو يقول پغضب و قد أوشك علي الجنون
عايش.. حسام لسة عايش يا مازن هيقتلوها.. احنا لازم نتصرف!!
______________________________________
تطلعت إلي حالها في المرآة بفستانها الرائع ذلك.. لا تصدق كل ما يحدث.. هل أصبحت زوجته بالفعل هل تحقق حلمها التي لطالما تمنته!!
مبروك يا عروسة..
التفتت بأعين متسعة و هي تقول
دكتور ليلي!
ابتسمت نور و قالت
لا انا نور توأمها... كنت جاية اباركلك انتي و فهد!!
ابتسمت منى بنقاء و قالت
الله يبارك فيك اومال فين دكتور ليلي!!
امتعضت ملامح نور و هي تقول
ادعيلها هي دلوقتي في أزمة و محتاجة اللي يدعيلها عشان تخرج منها!!
نظرت لها منى بدهشة و قالت
انا مش فاهمة حاجة!
كادت نور أن تجيبها و لكنها لمحت صورة لطفل في الخامسة من عمره علي المنضدة.. 
امسكتها بإيدي مرتعشة و قالت بتساؤل
مين دة!
دي صورة داليا اخت فهد ادتهالي صورة لفهد و هو صغير!!
ارتفعت أنفاس نور و هي تنظر لتلك الصورة بعدم تصديق و قالت
انا لازم اشوف فهد دلوقتي يا منى!!
طيب اهدي بس.. انا هخلي داليا تندهه
______________________________________
دخل الغرفة ليجدها تزرعها ذهابا و إيابا اقترب منها و هو يمسك ذراعيها قائلا
ما تقعدي في حتة شوية بقا يا هنا..
نفضت يديه عنها و قالت بصوت مرتفع إلي حد ما
انا عايزة افهم هو انت حابسني هنا يا يوسف يعني ليلي اتخطفت و انا قاعدة هنا و نور خرجت مش عارفة راحت فين و انا برضو قاعدة هنا.. فية اية!
أخذ يقترب منها ببطء و هي تتراجع الي الخلف قال هو بصوت هامس
اتعلمي و انتي بتكلمي جوزك صوتك يبقي واطي...
صمدت أمامه و ضمت يديها لها و قالت
لما تبقي تخرجني من الحبسة اللي انا فيها دي هبقي اكلمك بصوت واطي..
انا مش حابسك يا هنا!!
ضحكت بتهكم و قالت
و الله.. يعني أنت مش قافل عليا باب الاوضة بالمفتاح و سايبني هنا لوحدي..
دي مسمهاش حبسة يا هنا انا خاېف عليكي لأني عارف انك مچنونة و مش ضامن رد فعلك.. أما نور راحت فرح فهد و قالتلي أقل من ساعة و هترجع.. فاعقلي كدة شوية متنرفزنيش عليكي!!
نظرت له پغضب و قالت بنفاذ صبر
انت بقيت بارد كدة ليه!
تركها و اتجه ليخلع ملابسه و هو يقول
انا مش بارد يا هنا... اللي انتي شيفاة مني دة نتايج للي انتي عملتيه مش أكتر!!
زفرت بضيق و قالت بصوت مخڼوق و هي علي وشك البكاء
ايوة انا غلطت و معترفة بغلطي بس انت كمان غلطت.. و انا مش بعلق عليك غلطي... انا بس بفهمك أن مش انا لوحدي اللي غلطانة!
رمي سترته پعنف علي الفراش و قال بحدة
غلط عن غلط يفرق يا هنا!
لا يا يوسف انا غلطي زي غلطك بالظبط... زمان انت لو مكنتش مشيت و سبتني قبل فرحنا بأسبوع مكنش هيبقي دة حالنا أبدا انت دمرتني يا يوسف و مع ذلك سامحتك و وفيت بوعدي و فضلت مستنياك... بس انت بتعاقبني دلوقتي علي فترة من حياتي انا كنت فيها ضايعة و متدمرة من غيرك و مفكرتش أن انت السبب في الفترة دي كل اللي فكرت فيه أن انا غلطت و لازم اتجلد و اتعاقب.. و انا بقولك اهو يا يوسف لحد ما مشكلة ليلي و فارس دي تخلص احنا