هتبقي خدامتي مش مراتي

اللي كانوا فيه صحيح معظمهم دلوقتي محتاج تأهيل نفسي يعني و مساعدة طبية كمان بس هيبقوا أحسن..
فردوس شكرا لحضرتك...
تحركت فردوس للخارج وهي تلتقط انفاسها بهدوء اصبحت حياتها الآن ملكها لن يتحكم بها أحد لن يأمرها أحد..
جاسر اقفي عندك..
حسنا بالطبع بإستثناء صاحب هذا الصوت.. إلتفتت له كان يقف علي زاوية الطريق مستندا علي سيارته ينظر لها بنفس ابتسامة التي لطالما استفزتها ولكنها بتلك اللحظة صړخت بسعادة..

فردوس بحماس جاسر!! أنت خفيت امتي!!
جاسر كفاره..
فردوس بضيق متضايقنيش عشان مش ناقصاك وبعدين متبوظش فرحتي انت واقف علي رجلك!
جاسر اه انتي شايفة اي!
فردوس بس لحقت تتعالج في الوقت دا!!
جاسر أتعالج!! من اي بالظبط! هو أنا كنت عيان!
فردوس نعم!!! يعني انت كنت ممرمط فيا وأنت سليم!!
جاسر بضحك من يوم ما اتجوزتك وأنا سليم عرفتي بقي أنا ليه مكنتش محتاج مساعدة حراس!
فردوس پصدمه وانا اللي كنت بتصعب عليا!! يا اخي دا انا كنت متجوزاك شفقه!
جاسر كنتي!
فردوس اه.. مش أنت طلقتني!
جاسر مين قال! محصلش..
فردوس يعني أنا لسه علي ذمتك!
جاسر بضحك ومالك فرحتي كدا للدرجادي بتحبيني يا فيفي!!
فردوس يععع أنا أحبك انت!! ليه يا حبيبي اتعميت!! انا خلاص بقيت واحده حرة وقدامي رجالة مصر كلهم اختار براحتي..
جاسر طب اتلمي علشان مصقفلكيش علي وشك..
فردوس اي دا اي دا أنتي بتغير ولا اي!
جاسر اغير علي مين!! عليكي انتي!! فردوس فوقي انتي مش شايفة الفرق اللي بينا ولا اي!!
فردوس هتتكبر عليا كمان يلا هي جت عليك!!
جاسر بخبث معلشي يعني واحده وحشه زيك تتجوز واحد حلو زيي و كمان غني يعني انتي فيكي اي مميز يعني!! وبعدين انتي دلوقتي ما شاء الله عليكي رد سجون قد الدنيا..
فردوس پغضب طب غور من وشي وأنا اللي كنت مفكراك جاي تقولي ندي جوازتنا المنيلة دي فرصه بس خلاص مش عاوزة اشوف وشك تاني مستنيه اي انا من واحد بياكل بالقلم والمسطرة..
جاسر بضحك بت أقفي هنا رايحه فين..
فردوس رايحه اشوف رزقي يا عم اتكل علي الله..
جاسر اقفي يا بنت.. اقفي زي الشاطرة واسمعي كلام جوزك..
فردوس جاسر!! بجد أنت مطلقتنيش ليه!!
جاسر بجدية حبيت اسألك عن رأيك الأول في النهاية مهما حصل دا قرارنا احنا الاتنين مش أنا بس عاوزة تتطلقي!
فردوس لا..
جاسر يخربيت جرائتك بجد تعالي خلينا نتكلم في البيت..
جلست بالسيارة ثم بدأت بالحديث فورا..
فردوس قولتلك قبل كدا أنا طلباتي في الحياة مش كبيرة صحيح انت فعلا كتير اوي بالنسبالي يعني عندك حق الفرق بينا كبير بس انا مراتك يعني اعتقد ليا فرصه صح!!
جاسر بس انا يا فردوس عاوز واحدة أحبها وتحبني مش واحده معندهاش اختيار غيري!!
فردوس لا طبعا انا عندي اختيار اني اسعي في ارض الله الواسعه وادور بقي علي شغلانه تكفيني وخلاص ودا اكبر احلامي يعني بس الاختيار التاني اللي قصادي اكبر من احلامي بكتير وربنا حطه في طريقي أقوله لا ازاي!!
جاسر أنتي صريحه اوي يا فردوس...
فردوس أنا عمتا عارفه رأيك في جوازنا بس انت اللي سألتني عن رأيي وأنا جاوبت بصراحه اه أنا بتمني أكمل معاك.. القصه هنا مش حكاية حب قد ما هي حكاية أمان..
جاسر أنا كدا كدا حتي لو اتطلقنا مكنتش هسيبك يعني انا هقدر أوفرلك الأمان دا..
فردوس امان مش محسوس أمان مادي انا في شقة عمك اللي كانت تحت الارض ومقفول علينا باب بالقفل و الأوضة اللي انا فيها كنت بقفلها عليا وأحط كمان حاجه ورا الباب ومكنتش بحس بالامان..
جاسر بس أنا..
فردوس بقاطعه عارفه انا مش بحاول اضغط عليك انا بس بقولك اللي جوايا علشان ميجيش يوم و اندم إني مقولتوش.. المهم يعني قولي بقي هتشوفلي شغلانه!!
جاسر هشوف..
فردوس يعني المرتب كام!! مش أقل من خمسه يعني انا معايا واسطه ومش اي واسطه كمان..
جاسر بضحك حاضر..
فردوس بإهتمام المهم قولي انت بجد مكنتش عيان ولا اي مش فاهمه حاجه!!.
جاسر الحكاية اني كنت عارف من وقت الحاډثة ان عمي هو اللي ډبرها وقتها اټصدمت فيه يعني مكنتش اعرف حاجه لسه كان واحد من الحراس بتوعه و انا عملتله خدمه كبيرة وبقي يقولي كل حاجه بقي عن عمي ومأمون وأنتي والبنات مثلت ان الحاډثة عملتلي شلل طبعا اتفقت