روايه كامله قصيرة القامة طويلة اللسان بقلم شيماء صبحي

دا لزوم العادات.. 
ضحكت قمر واخدت الورد  وهيا بتشمت وقالت اي دا ريحته قالبه علي جرجير كدا ليه..!
هادي اخد الورد من ايديها وحطه علي السرير وقال يبق بناقصه. 
قمر فضلت تضحك وهوا رجع مسك الورد تاني وقال بق انا حاطت عليه برفان مصنف عالميا انه احلي ريحه تقوليلي جرجير.. 
وشها احمر من كلامه وهوا  ابتسم علي نظراتها ليه ومسك ايديها  وخرجوا...
وتحت في الرسيبشن .. 
سعيد زقه وقال روح سلم عليها يابني متبقاش جبله!! 
محمد بصله پغضب وقال اسكت انت مش عارف حاجه 
محمد زقه پغضب وقال طيب ابق اعملها كدا وانا اقطع رقبتك 

عبدالله بصلها بانتباه وقال معقول دي ساره سكرتيره هادي. 
محمد بابتسامه ازيك يا انسه سهر. 
سهر هزت راسها وقالت بإبتسامه انا كويسه الحمدلله ازيك انت يا استاذ محمد.. 
محمد بصلها وهوا بيبلع ريقه وقال انا بخير طول منتي بخير. 
سهر ابتسمت وهوا قال مشاء الله حضرتك جميله اوي. 
سهر بصتله وسكتت وهوا قال بتوتر مش قصدي اقول حاجه تضايقك انا قصدي ان شكلك حلو يعني بالفستان دا.. 
سهر بصتله وابتسمت وقالت انا مش متضايقه بالعكس شكرا لزوقك . 
محمد ابتسم وقال انا كنت عايز اطلب منك طلب بس. 
سهر هزت راسها وقالت انا برضوا عندي سؤال لحضرتك
محمد بصلها بانتباه وهيا قالت بهمس. هو احنا ليه بنقول حضرتك وانسه منتكلم عادي .. 
محمد ضحك وقال متأخذنيش بس انا بصراحه بعد اللي شايفه دا .. احم قصدي يعني اني كنت عايز اخد معاد من والدك بصراحه.. 
سهر فضلت تبصله پصدمه وهيا مش مستوعبه كلامه وقالت بتقول ايه... 
محمد انا عايز اخد معاد مع والدك عايز اطلب ايديكي!! 
سهر بصت حواليها علشان تدور علي قمر ولاكنها ملقتهاش حست بايديها بترتعش. ومحمد انتبه ليها فمسك ايديها وقال سهر انتي كويسه. 
سهر هزت راسها وسحبت ايديها وبعدها انتبهت لقمر وهادي وهما نازلين فقالت بابتسامه قمر .. محمد بص علي مكان بتشاور وابتسم لما لقي هادي وقمر نازلين.
سهر قالت بابتسامه شكلهم حلو اوي لايقين علي بعض.. 
في الوقت دا ساره بصت عليها بحزن وبصت علي هادي وقمر وهما نازلين وكان قلبها بيدق بسرعه من شكل هادي.. 
محمد وعبدالله كانت عينيهم علي ساره وهم مصدقين انها بالحلاوه دي لانها بتكون في الشركه مختلفه تماما عن ماهيا قدامهم دلوقت.. 
قمر ابتسمت وقالت ربنا يخليك ليا يا عبدالله متحرمش منك ابداا ..!
هادي بصله وابتسم وبعدها بدأ المأزون يكمل وفي الاخر قال بارك الله لكما وبارك عليكما وجمع بينكما في خير.. 
وكان الكل بيبصلهم معادا ساره الي كانت حزينه ومتضايقه ان بعد حبها لهادي كل السنين دي من طرف واحد يفجأها انه بيتحوز دلوقت ..