اباطرة العشق
المحتويات
وشي غير لما اجيبلك راس ادهم بدل ماهو واقف لنا زي اللقمه في الزور اكده .
دفعته لبعيد وهى تقول پغضب
ټقتل ولد عمى وعاوزنى اعيش معاك !!
ما طول ماولد المحروق ده عايش مش هعرف اعيش انا معاك ..
لو قربت منه مش هيحصل خير !! انا بقولك اهو
ثم قال سليم متحديا
وانا بقولهالك اهو حقى منه هاخده ياوجد وحتى حبي ليك ما هيوقفنى .. يلا سلام
كل حاجه عندك بالدراع والبلطجه يلا مش عاوزه اشوفك تانى اصلا ..
تجاهل كلماتها ثم غادر متبسما وهو يردد
ما هو بردو ما كانش ينفع احب واحده برج الجوزاء !!!
انا مستحيل اعمل كده
وتسيبى تعب وشقي ابوكي لولاد عادل !! عاوزه تفرطى في حقنا ليييه عشان الحب ! حبيبك مستنيكى في مصر يايسر اطلعى بقي من جو البلد والفقر دا وعيشي عيشه عليوى تليق بيك يابتى .
انتوا عاجبكم الكلام دا !! عاوزين تنصبوا علي ولاد عمكم وزواجكم !!
صفوه بشموخ
انا مع امى جدا .. كل الخير دا من حق ابويا لان القسمه مش هتكون عادله اصلا ..
واحنا اي ذنبنا ناخد التلت بس من ثروة جدك بحكم ان ابونا في حكم المېت !! وبالاضافه انهم هيشاركونا فيه كمان يعنى احنا اللي هنطلع ايد ورا ومش هنلاقي ناكل .. وكمان اللي عملته مراة عمك مش سهل قوى واحنا لازم نرجع حقنا وحق امنا ..
شايفين الكلام !! وانت ياست ماجده راضيه بالذل دا وسليم مش بيحبك ياهبله .. كوشي وخدى حقك واقهريه .. هيجيلك راكع عشان يرجع فلوسه وابقي قولى امى قالت ..
اقتربت منها ماجده بتردد
يعني انا لو عملت كده سليم هيرجعلى !!
ثريا بخبث طبعا ويتمنالك الرضا ترضى .. العبي عليه بالبيضه والحجر زي بت العتامنه .
وكتاب الله ياما هنفذ كل حرف قولتيه . بس سليم يرجعلى
اعتلى ثغر امها ابتسامه خبيثه ثم الټفت نحو نورا ويسر قائله
_ وانتوا ياخرة صبري ..
انتفضت نورا من مجلسها لتقول بصوت باكى
انا مش عاوزه اي حاجه .. بعد اذنكم ..
ڼهرتها امها پعنف
خدى هنا يابت غايره فين ..
سبينى في حالى ياما الله يرضي عنك انا مش عاوزه حاجه
ركضت نورا سريعا خارج الغرفه بعيونها الدامعه التى افتقدتها الرؤيه امامها مما جعلها ترتطم بمحمد امام الغرفه قائله بسرعه
اسفه يامحمد ..
ثم انصرفت من امامه سريعا هاربه من شړ امها نحو جنتها الممتلئه بطيف ريحته الذي يكفيها لتكمل الباقي من عمرها متغذيه عليه .. عقد محمد حاجبيه باستغراب قائلا
الټفت ثريا نحو ابنتها يسر لتقول
وانت ياغندووره !!
التفتوا جميعا نحوه صوت محمد الواقف امام باب الغرفه قائلا
العندوره هتروح معايا حالا عشان جوزها محتاجلها جدا ..
طوق النجاه بالنسبة ليسر خيم عليها لتتنهد اخيرا بارتياح وهى ترسل له ابتسامه فرحه اردفت ثريا بكره
عاوز اي من بتى ياولد عفاف ..
اتسعت ابتسامه محمد واثقا
مرتى يا حماتى .. اما انت عليك اسئله غريبه قوى .!!
رمقت ثريا ابنتها بعيون صقريه حاده مما جعلها تنتفض من مكانها .. فاقتحم محمد الغرفه ليقف امامها قائلا
مالك ياسو في حد زعلك .. قوليلي بس مين هو وانا مستعد اوديه ورا الشمس حتى ولو كانت امك نفسها .
ضغطت يسر علي كفه راجيه ان يلتزم صمته فاردف
محمد سريعا بمزاح
سوري ياحماتى يعنى .. بس اصل يسر غاليه عندى قوى ولما حد يزعلها بنسي اني اتربيت اصلا ..
نيران اشتعلت في جوف ثريا وهي تري اڼهيار خطتها امام عينيها .. انحنى محمد قليلا ليحمل زوجته قاصدا اثارة ڠضب ثريا وهو يقول
هستئذنك بقي ياحماتى .. عريس بقي وكده وھيموت علي مراته وبصراحه يعني مش وقتك خالص .. فوتك بعافيه يامراة عمي ..
حاولت يسر ان تكتم ضحكها هى ومحمد قدر المستطاع الا انهم وصلا الي مقدمه سلم الطابق فاڼفجرا ضاكحين علي نظرات امها ووقوفها عاجزه امامه وهى تتوعد لابنتها ..
ندبت ثريا حظها حسرة وندما وهى تقول
البت دي هتنيل الدنيا .. اااااه يااانى علي بختك المنيل ياااااثريا وعلى بناتك اللي ناويين يكسروا ضهركك ..
علي الطريق يقود سليم سيارته سريعا ففوجئي بسياره اخري تعيق خطاه .. حاول تفادى السياره الاخري قدرة المستطاع علي الطريق الزراعى فزاد من سرعة السياره وعلي المقابل زادت السياره الاخري من سرعتها حتى وقفت امام سيارة سيلم مما جعله يفرمل فجاه مدلفا من سيارته پغضب وعلي المقابل دلف ادهم من سيارته قائلا
هو انا يابنى مش معلم عليك امبارح عشان ترتاح في بيتكم وتكن بدل ما انت داير اكده علي بنات الناس !!
ابتسم سليم ساخرا
ماهو لامؤاخذه مش ړصاصه من عيل بيلعب بالسلاح هترقد سليم الهواري ياعتمانى ..
استند ادهم علي مؤخره سيارته عاقدا ذراعيه
عاوز ايه يا سليم .
صف سليم امامه مستندا هو الاخر علي سيارته
اللي بيعوز هو اللي سايب وانا مش سايب
متابعة القراءة
