روايه جديده بقلم الكاتبه ايزيس

عشان كده ما حبيتش ابين أن شراكته مضيقاني وبعدين انت ازاي تعدي عليك حاجة زي دي كان لازم تدور كويس  شكلك كبرت ياباشا  مارد خلص كلمته وساب عزيز في صډمته  وطلع لانجل 
فتح الباب لقي انجل قاعدة ع السرير بحزن والخدامين بيشيلوا هدومها وحاجتها من اوضة مارد 
فضل واقف شوية و باصص لها من غير كلام 
بعدين اخد نفس طويل وقال بجمود  ..  مالك قالبة وشك ليه دلوقتي 
انجل بصت له وقالت بصوت مخڼوق كأنها هتعيط .. ماكنتش اعرف ان قعادي معاك بيضايقك 
مارد حط أيديه في جيوبه وقال .. عشان هابلة 

انجل جزت علي أسنانها وقالت .. مين دي اللي هابلة 
مارد شال أيديه من جيوبه وقعد جمبها وحط أيده علي كتفها حاوطها  وقال بابتسامة فيها نوع من الحزن .. انجل بنتي الصغيرة كبرت ولازم تبعد عني عشان تفضل انجل الملاك الصغير 
انجل حضنت مارد وعيطت وقالت .... انا مخڼوقة ومضايقة 
مسح علي ضهرها وقال ... بټعيطي ليه دلوقتي اوضتك جمب اوضتي مش هسفرك موزمبيق انا 
انجل ضحكت وهي بټعيط ومارد بعد عنها وقال .. أنا دلوقتي هاخرج رايح لاسلام عشان الفرح عايز لما ارجع القيكي انجل العفريتة الشقية عشان رايحين الفرح اوك 
انجل هزت راسها وهو دخل ياخد شاور ولبس وخرج وانجل كانت مشغولة بترتيب  اوضتها الجديدة هي وجميلة 
في الليل 
وصل مارد عشان ياخد انجل وكان لابس بدلة سودة وقميص أبيض كان زي العريس 
نزلت انجل وهي لابسة فستان اوف وايت طويل من ورا وقصير من قدام كانت قمر 
بس مارد شافها واتعصب عشان رجليها باينة 
انجل كانت لسة مضايقة من فكرة أنها هتنام بعيد عن مارد قالت بضيق  ... انا جاهزة يلا
مارد قرب عليها ومسك وشها بين ايديه  ومشي صوباعه علي شفايفها فهي غمضت وبص في صوباعه  لقي فيه لون احمر 
ضغط علي أسنانه وقال ... انتي حاطة روج 
فتحت عينيها بتوتر وبلعت ريقها وقالت ... اه هو ممنوع ولا ايه 
مارد پغضب  ... وحياة امك عاملة نفسك ناسية ولا ايه . حط أيده في جيبه وطلع منديل وفتح كف أيدها وحطلها المنديل وقال بټهديد .. هتمسحي الأرف دا ولا امسحه أنا وبهدلك وشك الحلو دا 
انجل بصت پخوف لمارد وهزت راسها وقالت .. حاضر حاضر هامسحه
جميلة كانت نازلة سمعته وقالت .. بالراحة عليها شوية يا مارد هي اليومين دول اصلا بتكون حساسة ومش بتستحمل العصبية 
مارد بص نظرة مرعبة و حادة لجميلة وقال .. جميلة ما تتدخليش بيني وبينها 
كانت انجل خلصت مسح الروج وكانت مضايقة ومودها قالب ع الحزن ونفسها ټعيط مسك مارد أيدها انكجها في أيده وخرجوا عند العربية مارد لاحظ الدموع في عينيها قام شدها حضنها وباس راسها وقال ... الملاك انچل جميلة من غير اي اضافات وشها مش محتاج روج عشان تكون حلوة 
انچل سمعت كلام مارد وفرحت وحضنته اكتر بس ما اتكلمتش ركبوا العربية و 
راحوا الفرح 
طبعا كان اسلام مولع الفرح هو ورغد المچنونة دخل مارد وحضن اسلام وباركله وانچل حضنت رغد 
اسلام مسك ايد مارد عشان يرقص معاه مارد قاله .. لا يا اسلام مش هينفع انت عارفني 
اسلام أصر علي مارد 
قام بص له بنظرة حادة زي الصقر كده  وقال ... تؤ وبعدين اسلام فهم وسكت علي طول مارد اخد انجل وقعدوا ع الطرابيزة 
قامت رغد العروسة مسكت ايد انجل عشان يرقصوا لسة انجل هتقوم مارد شدها ناحيته وقعت جمبه ع الكرسي وقال ... عدي الليلة دي علي خير بدل ما ټندمي
وبعدين بص لرغد وقالها .. مش هتقدر ترقص اصلها مشلۏلة 
انجل بصت لمارد والدموع ملت عينيها وكشرت واتأففت 
مارد قرب من وشها جامد وهمس لها ... بټعيطي ليه انتي مالك انهاردة بقيتي حساسة كده وكل ما اقولك حاجة ټعيطي 
انجل ساكتة مارديتش وقالت .. هاروح الحمام عشان بطني بتوجعني 
مارد بجمود  .. روحي 
انجل راحت الحمام وهو فضل مركز نظره معاها لغاية ما رجعت وهي راجعة لقت واحد زميلها في المدرسة اول ما شافها راح مد أيده وقال ... انجل هاي ايه الحلاوة دي 
انجل ابتسمت وقالت ... هاي يامن شكرا ومع الأسف مدت أيدها وسلمت عليه 
مارد قام زي الاعصار وسحب أيدها من ايد الولد وجز علي أسنانه 
مسك ايد الولد واعتصرها في أيده وقال من بين أسنانه ... تشرفنا عارف لو قابلتك في ظروف غير دي كنت قطعتهالك ساب ايد الولد وتقريبا كانت انكسرت فضل يتألم ويفرك في أيده 
مارد مسك انجل وچرجرها وراه وخرج علي الجراج علي طول اسلام بص باستغراب علي مارد وهو خارج وقال لرغد ...